Chalkar jaha rang ragini raina chali rang raat ko,
Palbhar batana baat vo,
Nimiya tare ek daal par bole papiha baat jo,
Tu odhkar nilee chunariya ud chalo sukh ki nagariya,
Bhor phoote bhabhiyon aashish bhar,
Lekar vida dola humachkar,
Meri nagariya ab ram ki hogi,
Dhir dharkar hi tanik vishram bhi hogi,
Sabr me rukna nhi mere liye lekar thahara
Keval bachi is tokari me ashru dhara,
Taktaki najre gadaye doliyan bhi geet gati,
Pakar tale vishram le chalti kabhi dola sunati,
Poos me odhe chadariya saam si
Sawan barasti bood me usko bhigana,
Dhol tu sandesh bhar har geet me
Sangeet ye usko sunana,
Bhoolkar bhatka mila raahi koi saakhi tujhe,
Kal ka savera sanjh kya ?
Tu bhoolna baatein meri saakhi mujhe,
Paav ki payal bje jo jaan ye aansu bahe to tham Lena,
Preet ki nayna bahe jo prem me pal bhar unhe vishram Dena,
Dhol tu bajna ghadi bhar ghoot bhar mukh pyaas Lena.
- Rishabh Bhatt